Պաշտոնական. Ման. Յունայթեդում մարզչական փոփոխություն եղավ
«Մանչեսթեր Յունայթեդը» Էրիկ Տեն Հագին հեռացրել է գլխավոր մարզչի պաշտոնից, հայտնում է ակումբի պաշտոնական կայքը։
«Կարմիր սատանաների» գլխավոր մարզչի ժամանակավոր պաշտոնակատար է նշանակվել Տեն Հագի օգնական Ռուդ վան Նիստելռոյը։
54-ամյա Տեն Հագը «Մանչեսթեր Յունայթեդը» մարզում էր 2022 թ. հուլիսից։ Ակումբը նրա գլխավորությամբ 128 խաղում տարել է 72 հաղթանակ, գրանցել 20 ոչ-ոքի, կրել 36 պարտություն, նվաճել Անգլիայի գավաթի ու Լիգայի գավաթի տիտղոսները։
Մանկունյական ակումբը 2024/25 մրցաշրջանն անչափ անհաջող է մեկնարկել և Պրեմիեր լիգայի մեկնարկային 9 խաղում վաստակել է միայն 11 միավոր ու 14-րդ տեղում է։
Ինչ վերում է Ռուդ վան Նիստելռոյին, «Յունայթեդի» նախկին հարձակվողը 2024 թ. հուլիսին նշանակվել էր Էրիկ Տեն Հագի օգնական։ Նա նախկինում աշխատել է Նիդերլանդների ազգային հավաքականում, իսկ 2022/23 մրցաշրջանում մարզել է Էյնդհովենի ՊՍՎ-ն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# ԱՊԼ, Էրիկ Տեն Հագ, Մանչեսթեր Յունայթեդ, Ռուդ վան Նիստելռոյ