Պաշտոնական. Մալո Գուստոն խոշոր գումարի դիմաց տեղափոխվեց Չելսի

Ինչպես տեղեկացնում է «Չելսիի» պաշտոնական կայքը, ակումբը գնել է «Լիոնի» աջ պաշտպան Մալո Գուստոյին։

Կողմերի միջև պայմանագիրը կնքվել է մինչև 2030 թ. հունիսի 30-ը, իսկ «ազնվականները» 19-ամյա պաշտպանի տրանսֆերի դիմաց ֆրանսիական ակումբին վճարել են 35 մլն եվրո։

Լոնդոնյան ակումբը հայտնում է, որ Գուստոն 2022/23 մրցաշրջանի մնացած հատվածը վարձավճարով կշարունակի հանդես գալ «Լիոնի» կազմում։

Նշենք, որ Գուստոն «Լիոնի» սան է, որի կազմում մինչ օրս անցկացրել է 54 հանդիպում` դառնալով 6 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am