Պաշտոնական. Կեյլոր Նավասը նոր ակումբ ունի

Մադրիդի «Ռեալի» ու ՊՍԺ-ի նախկին դարպասապահ Կեյլոր Նավասը տեղափոխվել է արգենտինական «Նյուելս Օլդ Բոյս», հայտնում է ակումբի մամուլի ծառայությունը։

Կողմերը պայմանագիրը կնքել են 1 տարով։ Այն ուժի մեջ կլինի մինչև 2025 թ. դեկտեմբերի 31-ը։

38-ամյա դարպասապահը նոր ակումբ է տեղափոխվել ազատ գործակալի կարգավիճակում։ Կոստառիկացի ֆուտբոլիստը 2024 թ. հուլիսի 1-ին է հեռացել ՊՍԺ-ից, որ կազմում հանդես էր գալիս 2019 թ. սեպտեմբերից, 114 խաղից 52-ում դարպասը պահել անառիկ։

Նավասը 2014-19 թթ. էլ եղել է «Ռեալի» հիմնական դարպասապահը։ Նա «արքայական» ակումբի հետ 12 տիտղոս է նվաճել, այդ թվում` երեք անգամ դառնալով Չեմպիոնների լիգայի հաղթող։ Դարպասապահը մադրիդյան գրանդի կազմում 162 խաղում դարպասը 52 անգամ անառիկ է պահել։

Վետերան դարպասապահը նաև 114 հանդիպում է անցկացրել Կոստա Ռիկայի ազգային հավաքականում և անցկացրել 42 «չոր» խաղ։

Հիշեցնենք, որ «Նյուելս Օլդ Բոյսը» «Ոսկե գնդակին 8-ակի դափնեկիր, ՊՍԺ-ում Նավասի նախկին խաղընկեր, արգենտիանցի հարձակվող Լիոնել Մեսիի հարազատ ակումբն է։ Մեսին 1995-2000 թթ. եղել է Ռոսարիոն ներկայացնող ակումբի համակարգում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից