Պաշտոնական. Կանսելուն ու Ֆելիքսը հեռացան «Բարսելոնայից»

Պորտուգալացի ֆուտբոլիստներ, պաշտպան Ժոաու Կանսելուն ու վինգեր Ժոաու Ֆելիքսը հեռացել են «Բարսելոնայից»։

«Բլաուգրանայի» պաշտոնական կայքը հայտնում է, որ երկու ֆուտբոլիստների վարձակալական պայմանագիրն ավարտվել է. Ֆելիքսը կվերադառնա Մադրիդի «Աթլետիկո», իսկ Կանսելուն` «Մանչեսթեր Սիթին»։

Երկու ֆուտբոլիստներն էլ 2023/24 մրցաշրջանից առաջ էին միացել կատալոնական ակումբին։

Կանսելուն «Բարսելոնայի» կազմում 42 խաղում խփել է 4 գոլ, կատարել 5 գոլային փոխանցում, իսկ Ֆելիքսը 44 խաղում դարձել է 10 գոլի ու 6 ասիստի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am