Պաշտոնական. Լուկա Յովիչը նոր ակումբ ունի 📸
Անվանի հարձակվող Լուկա Յովիչն ազատ գործակալի կարգավիճակում տեղափոխվել է Աթենքի ԱԵԿ, գրում է ակումբի մամուլի ծառայությունը։
Ինսայդեր Ֆաբրիցիո Ռոմանոյի տեղեկություններով` հունական ակումբը սերբ ֆուտբոլիստի հետ պայմանագիրը ստորագրել է մինչև 2027 թ. հունիսի 30-ը ներառյալ։
Հայտնի ֆուտբոլիստներից ԱԵԿ-ում հանդես են գալիս նաև «Արսենալի», «Ռոմայի» ու «Սևիլիայի» նախկին վինգեր Էրիկ Լամելան և «Մանչեսթեր Յունայթեդի» նախկին հարձակվող Անտոնի Մարսիալը։
Լուկա Յովիչի նախորդ ակումբը «Միլանն» էր։ Նա իտալական ակումբում էր 2023 թ. սեպտեմբերից, 43 խաղում խփել է 13 գոլ կատարել 2 ասիստ։
27-ամյա հարձակվողը նախկինում խաղացել է նաև Մադրիդի «Ռեալում», Ֆրանկֆուրտի «Այնտրախտում», «Ֆիորենտինայում» և այլուր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# ԱԵԿ, Լուկա Յովիչ, Միլան, Ռեալ Մադրիդ, տրանսֆերներ