Պաշտոնական. Լիգա 1-ի լավագույն ասիստենտը` «Կրասնոդարի» ֆուտբոլիստ 📸
«Կրասնոդարը» ձեռք է բերել «Օսերի» վինգեր Գաետան Պերենին, հայտնում է «ցլերի» մամուլի ծառայությունը։
Ռուսաստանի չեմպիոնը 29-ամյա ֆուտբոլիստի հետ պայմանագիրը կնքել է մինչև 2028 թ. հուլիսի 1-ը։
Transfermarkt-ի տվյալներով` «Կրասնոդարը» ֆրանսիացի կիսապաշտպանի տեղափոխությար համար վճարել է 5 միլիոն եվրո։
Պերենը նախորդ մրցաշրջանում 34 խաղում 10 գոլ է խփել, 11 գոլային փոխանցում կատարել, դարձել Ֆրանսիայի Լիգա 1-ի լավագույն ասիստենտ։
Նա «Օսերում» հանդես էր գալիս 2021 թ. հուլիսից և ակումբում ուներ 155 խաղ, 28 գոլ և 25 ասիստ վիճակագրությունը։
Հիշեցնենք, որ «Կրասնոդարի» ավագը Հայաստանի ազգային հավաքականի կիսապաշտպան Էդուարդ Սպերցյանն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Գաետան Պերեն, Էդուարդ Սպերցյան, Լիգա-1, Կրասնոդար, Հայաստանի-հավաքական, տրանսֆերներ, Օսեր