Պաշտոնական. Ժոզե Մոուրինիոն հեռացվեց «Ֆեներբահչեի» գլխավոր մարզչի պաշտոնից

«Ֆեներբահչեն» գլխավոր մարզչի պաշտոնից ազատել է Ժոզե Մոուրինիոյին, հայտնում է ակումբի պաշտոնական կայքը։

Ինսայդեր Ֆաբրիցիո Ռոմանոյի տեղեկություններով` «Ֆեներբահչեն» նման որոշում է կայացրել ակումբի` Չեմպիոնների լիգայի Լիգայի փուլի ուղեգիր չնվաճելու պատճառով։ Ակումբը որակավորման փլեյ-օֆֆ-ում պարտվել է «Բենֆիկային»։

Պորտուգալացի անվանի մասնագետը «Ֆեներբահչեն» մարզում էր 2024 թ.հուլիսից։ Ակուբը նրա գլխավորությամբ 62 խաղում 37 հաղթանակ է տարել, գրանցել 14 ոչ-ոքի, կրել 11 պարտություն։

62-ամյա մասնագետի հետ Ստամբուլը ներկայացնող ակումբը ոչ մի տիտղոս չի նվաճել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am