Պաշտոնական. Դե Բրույնեն կհեռանա «Ման. Սիթիից»
«Մանչեսթեր Սիթիի» կիսապաշտպան Կևին դե Բրույնեն ընթացիկ մրցաշրջանի ավարտին կհեռանա ակումբից, սոցցանցերում հայտնել է ֆուտբոլիստը։
Կողմերը չեն երկարաձգելու հուլիսի 1-ին ավարտվող պայմանագիրը։ Դե Բրույնեն ակումբը կլքի ազատ գործակալի կարգավիճակում։
Բելգիացի ֆուտբոլիստն անգլիական գրանդում էր 2015 թ. օգոստոսից, 413 խաղում խփել 106 գոլ, կատարել 174 ասիստ։ Նա «Սիթիի» պատմության մեջ ամենաշատ գոլային փոխանցում կատարած ֆուտբոլիստն է։
33-ամյա ֆուտբոլիստը «քաղաքաբնակների» հետ հաղթել է հնարավոր բոլոր տիտղոսները, այդ թվում` 6 անգամ դառնալով Անգլիայի չեմպիոն, 5 անգամ` երկրի Լիգայի գավաթակիր, 2 անգամ` երկրի գավաթակիր, 1 անգամ` Չեմպիոնների լիգայի հաղթող։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# ԱՊԼ, Կևին դե Բրոյնե, Մանչեսթեր-Սիթի