Պաշտոնական. Դելե Ալին պայմանագիր կնքեց իտալական ակումբի հետ

Անգլիացի անվանի կիսապաշտպան Դելե Ալին պայմանագիր է կնքել Իտալիայի Ա սերիան ներկայացնող «Կոմոյի» հետ, հայտնում է ակումբի պաշտոնական կայքը։

Կողմերի համաձայնագիրը նախատեսված է մինչև 2026 թ. հունիսի 30-ը և ունի այն ևս մեկ տարով երկարաձգելու հատուկ կետ։

Դելե Ալին 2015-2022 թթ. հանդես է եկել Լոնդոնի «Տոտենհեմում», 269 խաղում խփել 67 գոլ, կատարել 58 արդյունավետ փոխանցում։ Նա ճանաչվել է Անգլիայի Պրեմիեր լիգայի 2014/15 մրցաշրջանի լավագույն ֆուտբոլիստ։ 28-ամյա ֆուտբոլիստը 2015-2019 թթ. հրավիրվել է Անգլիայի հավաքական, մասնակցել 37 հանդիպման, դարձել 3 գոլի ու 7 գոլային փոխանցման հեղինակ։

Ալին 2023/24 մրցաշրջանում եղել է «Էվերթոնի» ֆուտբոլիստ, սակայն ոչ մի հանդիպման չի մասնակցել։ Նա, առահսարակ, նախորդ պաշտոնական հանդիպումն անցկացրել է 2023 թ. փետրվարին թուրքական «Բեշիկթաշում», իսկ 2024 թ. հուլիսից ազատ գործակալի կարգավիճակում էր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից