Պաշտոնական. Անտուան Գրիզմանը կարիերան կշարունակի ԱՄՆ-ում 📸
25/03/2026 - 15:12
Մադրիդի «Ատլետիկոյի» հարձակվող Անտուան Գրիզմանը կտեղափոխվի «Օռլանդո Սիթի», հայտնում է ամերիկյան ակումբի մամուլի ծառայությունը։
Կողմերը պայմանագիր են ստորագրել, որը «2+1» ձևաչափով է։ Համաձայնագիրն ուժի մեջ կմտնի 2026թ. հուլիսի 1-ից։
35-ամյա ֆուտբոլիստը ՄԼՍ-ը ներկայացնող ակումբ կտեղափոխվի անվճար։ Նա «Օռլանդոյում» հանդես կգա «7» համարի մարզաշապիկով։
Գրիզմանն «Ատլետիկոյում» 488 խաղում խփել է 211 գոլ, կատարել 97 ասիստ։ Նա իսպանական գրանդի պատմության մեջ լավագույն ռմբարկուն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Անտուան-Գրիզման, Ատլետիկո Մադրիդ, ՄԼՍ, տրանսֆերներ, Օրլանդո Սիթի