Պաշտոնական․ Ֆլիկը երկարաժամկետ պայմանագիր կնքեց Բավարիայի հետ
Ինչպես տեղեկացնում է «Բավարիայի» պաշտոնական կայքը, ակումբը մշտական պայմանագիր է կնքել ակումբի գլխավոր մարզչի ժամանակավոր պաշտոնակատար Հանս-Դիտեր Ֆլիկի հետ։
55-ամյա մասնագետի և մյունխենյան ակումբի միջև պայմանագիրը նախատեսված է լինելու մինչը 2023 թվականի հունիսի 30-ը։
Ֆլիկը նախորդ տարվա ամռանը դարձել էր այն ժամանակվա գլխավոր մարզիչ Նիկո Կովաչի օգնականը, իսկ 2019-ի նոյեմբերին, երբ Կովաչը հեռացվեց գլխավոր մարզիչ պաշտոնից, Ֆլիկը դարձավ գլխավոր մարզչի ԺՊ։
Ֆլիկի գլխավորությամբ «Բավարիան» վերգտավ իր խաղը և Բունդեսլիգայում անցկացրած 25 խաղից հետո գլխավորում է մրցաշարային աղյուսակը՝ մոտակա հետապնդող «Բորուսիա Դորտմունդին» գերազանցելով 4 միավոր, իսկ Չեմպիոնների լիգայի 1/8 եզրափակչի առաջին խաղում ակումբը հյուրընկալվելիս 0։3 հաշվով հաղթել է «Չելսիին»։
Ֆլիկի օրոք «Բավարիան» անցկացրել է 22 հանդիպում՝ տանելով 18 հաղթանակ, մեկ խաղավարտել է ոչ-ոքի, իսկ երեք հանդիպում պարտվել է։