Պաշտոնական․ Լիվերպուլը նոր ֆուտբոլիստ ունի

Ինչպես տեղեկացնում է «Լիվերպուլի» պաշտոնական կայքը, ակումբը ձեռք է բերել «Օլիմպիակոսի» պաշտպան Կոստանտինոս Ցիմիկասին։

24-ամյա հույն պաշտպանը հանդես է գալիս ձախ պաշտպանի դիրքում։ Ըստ Transfermarkt.com-ի՝ գործարքն արժեցել է 13 մլն եվրո, սակայն հայտնի չէ, թե խաղացողի հետ քանի տարով է կնքվել պայմանագիրը։

Հավելենք, որ Ցիմիկասը նոր ակումբի կազմում հանդես կգա 21 համարի մարզաշապիկով։

Երիտասարդ պաշտպանը Պիրեյը ներկայացնող ակումբի կազմում բոլոր մրցաշարերի շրջանակում մասնակցել է 46 հանդիպման՝ դառնալով 7 գոլային փոխանցման հեղինակ։