Պաշտոնական․ Էվեր Բանեգան կարիերան կշարունակի Սաուդյան Արաբիայում
26/01/2020 - 13:46
Ինչպես տեղեկացնում է Սաուդյան Արաբիան ներկայացնող «Ալ Շաբաբի» պաշտոնական կայքը, ակումբը երեք տարվա պայմանագիր է կնքել «Սևիլիայի» և Արգենտինայի հավաքականի 31-ամյա կենտրոնական կիսապաշտպան Էվեր Բանեգայի հետ։
Կիսապաշտպանը «Ալ Շաբաբի» կազմը կհամալրի անվճար, քանի որ ամռանը կդառնա ազատ գործակալ։
Բանեգան ընթացիկ մրցաշրջանում «Սևիլիայի» կազմում բոլոր մրցաշարերի շրջանակում մասնակցել է 23 հանդիպման՝ դառնալով 2 գոլի և 7 գոլային փոխանցման հեղինակ։