Պաշտոնական․ Էվերտոնը հերթական խոշոր տրանսֆերն իրականացրեց

Ինչպես տեղեկացնում է «Էվերտոնի» պաշտոնական կայքը, ակումբը «Նորվիչից» ձեռք է բերել Անգլիայի Մ-21 տարեկանների հավաքականի կենտրոնական պաշտպան Բեն Գոդֆրեյի տրանսֆերային իրավունքները։

Աղբյուրի փոխանցմամբ՝ մերսիսայդյան ակումբը 22-ամյա պաշտպանի դիմաց վճարել է 27․5 մլն եվրո, իսկ կողմերի միջև կնքվել է 5 տարվա պայմանագիր։

Գոդֆրեյը 2017 թվականից համարվում էր «Նորվիչի» ֆուտբոլիստ, որի կազմում մասնակցել է 78 հանդիպման՝ դառնալով 5 գոլի և 2 գոլային փոխանցման հեղինակ։