Պաշտոնական․ Եվրո-2020-ը հետաձգվեց

Այսօր՝ մարտի 17-ին, ՈՒԵՖԱ-ի 55 անդամ-պետությունների միջև տեղի է ունեցել արտահերթ նիստ, որն անցկացվել է տեսազանգի միջոցով։ Քննարկման ժամանակ որոշում է կայացվել, կորոնավիրուսի կտրուկ զարգացման և տարածման պատճառով, Եվրո-2020-ը հետաձգվել մեկ տարով։ Որոշման մասին դեռևս պաշտոնական տեղեկատվություն չկա ՈՒԵՖԱ-ի կողմից, սակայն այն հաստատել են ինչպես Նորվեգիայի, այնպես էլ Ռուսաստանի ֆուտբոլի ֆեդերացիայի պաշտոնական Twitter-յան էջերը։ Մրցաշրը տեղի կունենա 2021 թվականի հունիսի 11-հուլիսի 11-ն ընկած ժամանակահատվածում։

Նշվում է, որ այս որոշումը կայացվել է, որպեսզի եվրոպական առաջնությունները կարողանան ավարտին հասցնել։ Հաղորդվում է, որ սույն թվականի մայիս-հունիս ամիսներին կկայանան նաև Չեմպիոնների լիգայի և Եվրոպա լիգայի փլեյ-օֆֆ փուլի, ինչպես նաև եզրափակիչ հանդիպումները։