Պաշտոնական․ Բարսելոնան ձեռք բերեց Այաքսի պաշտպանին

Ինչպես տեղեկացնում է «Բարսելոնայի» պաշտոնական կայքը, ակումբը ձեռք է բերել «Այաքսի» աջ պաշտպան Սերժինիո Դեստին։

Աղբյուրի փոխանցմամբ՝ կողմերի միջև կնքվել է 5 տարվա պայմանագիր, իսկ կատալոնական ակումբը 19-ամյա ամերիկացի ֆուտբոլիստի դիմաց «Այաքսին» վճարել է 21 մլն եվրո, որին, հնարավոր է, ավելանա ևս 5 մլն եվրո՝ որպես բոնուս։

Խաղացողի պայմանագրում ներառվել է նաև հրաժարագնի կետ, ըստ որի, այն ակումբները, որոնք կցանկանան գնել Դեստին, ապա պետք է վճարեն 400 մլն եվրո։

Սերժինիո Դեստը «Այաքսի» սան է, որի կազմում ընդհանուր առմամբ մասնակցել է 38 հանդիպման՝ դառնալով 2 գոլի և 6 գոլային փոխանցման հեղինակ։

Նոր ակումբի կազմում ամերիկացի եզրային պաշտպանը հանդես կգա «2» համարի խաղաշապիկով։