Պաշտոնական․ Բարսելոնայի կիսապաշտպանը հանդես կգա Խետաֆեի կազմում
Ինչպես տեղեկացնում է «Խետաֆեի» պաշտոնական կայքը, ակումբը վարձակալել է «Բարսելոնայի» կիսապաշտպան Կառլես Ալենիային։
Աղբյուրի փոխանցմամբ՝ վարձակալությունը նախատեսված է մինչ 2021 թվականի հունիսի 30-ը, այսինքն, մինչև ընթացիկ մրցաշրջանի ավարտը։ Մադրիդի արվարձանը ներկայացնող ակումբը վճարելու է 23-ամյա ֆուտբոլիստի աշխատավարձը, սակայն, հայտնի չէ, թե վարձակալության ավարտից հետո «Խետաֆեն» խաղացողին գնելու անմիջական իրավունք ունենալու է, թե ոչ։
Հավելենք, որ Ալենիան «Բարսելոնայի» սան է, որի համակարգում հանդես է գալիս 2013 թվականից։ Նա կատալոնական ակումբի գլխավոր թիմում ընդհանուր առմամբ անցկացրել է 44 հանդիպում և խփել 3 գոլ, իսկ նախորդ մրցաշրջանի երկրորդ հատվածը վարձակալությամբ անցկացրեց «Բետիսի» կազմում։ Ընթացիկ մրցաշրջանում Ալենիան բոլոր մցաշարերի շրջանակում խաղադաշտ է դուրս եկել ընդամենը 5 անգամ։