Պաշտոնական․ Ատալանտայի պաշտպանը հանդես կգա Ռոմայի կազմում

«Ատալանտայի» 21-ամյա բրազիլացի պաշտպան Ռոջեր Իբանյեսը կարիերան կշարունակի «Ռոմայի» կազմում։ Այս մասին տեղեկացնում է հռոմեական ակումբի մամուլի ծառայությունը։

Հռոմեական ակումբը մինչը 2021 թվականի հուլիս վարձակալել է խաղացողին։ Մի շարք կետերի իրականացման դեպքում, «Ռոման» պարտավորվել է ձեռք բերել խաղացողի ամբողջական տրանսֆերը, որը կարժենա 8 մլն եվրո։ Բերգամոն ներկայացնող ակումբը ևս 2 մլն եվրո կարող է ստանալ բոնուսների տեսքով, իսկ եթե «Ռոման» մինչև 2024 թվականի ամառ վաճառի խաղացողին, ապա «Ատալանտան» այդ վաճառքից ստանալու է 10%: