Պաշտոնական. Եղիշե Մելիքյանը` Հայաստանի հավաքականի գլխավոր մարզիչ

Եղիշե Մելիքյանը նշանակվել է Հայաստանի ազգային հավաքականի գլխավոր մարզիչ, հայտնում է ՀՖՖ պաշտոնական կայքը։

Կողմերը պայմանագիր են կնքել, որը կգործի մինչև 2026 թ. նոյեմբեր։

46-ամյա մասնագետը պաշտոնում փոխարինել է Ջոն վան’տ Սխիպին։

Մելիքյանը 2021 թ. փետրվարից մարզում էր «Փյունիկը»։ Ակումբը նրա գլխավորությամբ 193 խաղում տարել է 115 հաղթանակ, գրանցել 31 ոչ-ոքի, կրել 47 պարտություն, երկու անգամ դարձել Հայաստանի չեմպիոն։

Մելիքյանը նախկինում մարզել է նաև «Ալաշկերտը», ուկրաինական «Լվովը», Կամենսկոեի «Ստալը»։

Նախկին ձախ պաշտպանը Հայաստանի հավաքականում 30 հանդիպման է մասնակցել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից