ՉԼ. Մաքքաբի Հայֆան հյուրընկալվելիս հաղթեց Սլովանին🎥

Չեմպիոնների լիգայի որակավորման երրորդ փուլի առաջին խաղում «Մաքքաբի Հայֆան» հյուրընկալվելիս մրցեց Սլովակիայի չեմպիոն «Սլովան Բրատիսլավայի» դեմ։

Մրցող կողմերը պարզապես շոկային մեկնարկ էին պատրաստել և արդեն 15-րդ րոպեի դրությամբ միասին խփել էին 3 գնդակ։

Նախ 5-րդ րոպեին հյուրերին առաջ մղեց Ֆրանցդի Պիերոն, ապա 12-րդ րոպեին հյուրերի պաշտպան Աբդուլայե Սեկը դարձավ ինքնագոլի հեղինակ, ինչից հետո լուսատախտակին վառվեց 1:1 հաշիվը, իսկ 15-րդ րոպեին Դիա Սաբան կրիին առաջ մղեց «Մաքքաբիին»` դառնալով հիասքանչ գոլի հեղինակ։

Գերարդյունավետ մեկնարկից հետո կրքերը հանդարտվեցին, ինչից հետո հանդիպման մնացած ժամանակահատվածում այլևս գոլեր չգրանցվեցին։

Այսպիսով, Մասայ Դեգոյի թիմը հաղթեց 2:1 հաշվով։

Հավելենք, որ «Սլովանի» կազմից հանդիպմանը մասնակցեց նաև Տիգրան Բարսեղյանը, ով փոխարինման մտավ 63-րդ րոպեին։

Նշենք, որ այս դիմակայության պատասխան հանդիպումը կկայանա օգոստոսի 15-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am