Չեֆերին․ «Հին ու բարի ֆուտբոլը շուտով կվերադառնա»
ՈՒԵՖԱ-ի նախագահ Ալեքսանդր Չեֆերինը խոսել է եվրոպական ֆուտբոլի հավանական վերսկսման մասին, որն ընդհատվել է կորոնավիրուսի համաճարակի պատճառով։
«Մարդկությունը կհաղթահարի այս համավարակը։ Մենք տեսանք, թե որքան զգայուն է մեր աշխարհը և հասարակությունը, երբ որևէ բան փորձում է խաթարել նրանց կյանքը։
Ֆուտբոլն անհավանական դրական էներգիա է փոխանցում մարդկանց։ Մինչև այն չվերադառնա, մարդիկ չեն մտածի, որ ամեն ինչ կարգին է։ Ֆուտբոլը կփոխվի, սակայն դա կարճ կտևի։ Այն արդեն հաղթահարել է պատերազմներ և այլ համավարակներ։
Հին ու բարի ֆուտբոլը շուտով կվերադառնա։ Մենք ցանկանում էինք, որ ֆուտբոլը վերադառնա որքան հնարավոր է շուտ, սակայն այդ ամենը կախված է պետական մարմիններից։ Բժշկական հսկողության ներքո հանդիպումները հանարվոր է անցկացնել առանց երկրպագուների, սակայն ամեն ինչ որոշում է քաղաքականությունը, ոչ թե սպորտը»,- նշել է ՈՒԵՖԱ-ի նախագահը, ում խոսքերը մեջբերում է Football Italia-ն։
# Ալեքսանդր-Չեֆերին, կորոնավիրուս, ՈւԵՖԱ