Չեմպիոնության հարցը գրեթե վճռված է. Բարսելոնա – Աթլետիկո՝ 2:0 ?
07/04/2019 - 00:38
Իսպանական Լա լիգայի 31-րդ տուրի կենտրոնական խաղում «Բարսելոնան» հյուրընկալել էր «Աթլետիկոյին». հանդիպումն ավարտվեց տանտերերի հաղթանակով՝ 2:0:
Հանդիպման 28-րդ րոպեին հյուրերի հարձակվող Դիեգո Կոստան հայհոյել է մրցավարին, ինչի համար միանգամից կարմիր քարտ է ստացել:
«Բարսելոնան» տարածքային առավելություն ուներ, բայց վտանգավոր պահերը քիչ էին:
Հանդիպման 85-րդ րոպեին Սուարեսը հաշվենկատ հարվածով բացել է հաշիվը: Մոտ 2 րոպե անց Մեսսին կրկնապատկել է հաշիվը:
Այս հաղթանակից հետո Վալվերդեի գլխավորած թիմը 73 միավորով է գլխավորում մրցաշարային աղյուսակը՝ Սիմեոնեի թիմից առաջ լինելով 11 միավոր:
# Աթլետիկո, Բարսելոնա, Լա-լիգա