Չելսին շարունակում է տպավորել` հաղթելով նաև Բրայթոնին🎥

Անգլիական Պրեմիեր լիգայի 34-րդ տուրից հետաձգված խաղում «Չելսին» հյուրընկալվելիս մրցեց «Բրայթոնի» դեմ։

«Ազնվականները» հերթական տպավորիչ հանդիպումն անցկացրին և հաղթեցին 2:1 հաշվով։

Լոնդոնյան ակումբը ներքին առաջնությունում տարավ 4-րդ անընդմեջ հաղթանակը։

Մաուրիսիո Պոչետինոյի թիմի գոլերը խփեցին Քոուլ Պալմերն ու Քրիստոֆեր Նկունկուն։ «Ճայերի» կազմից աչքի ընկավ Դանի Վելբեքը։

Այս հաղթանակից հետո «Չելսին» վաստակեց 60 միավոր և առաջնության ավարտից մեկ տուր առաջ բարձրացավ 6-րդ տեղ, որը հնարավորություն կտա նվաճել Կոնֆերենցիաների լիգայի խմբային փուլի ուղեգիր։ «Բրայթոնը» 48 միավորով 10-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am