Չելսին խոշոր հաշվով պարտվել է Սելթիկին 🎥

Լոնդոնի «Չելսին» միջմրցաշրջանային հատվածում հերթական ընկերական հանդիպումն է անցկացրել և ԱՄՆ-ի Սաութ Բենդ քաղաքի «Նոտր Դամ» մարզադաշտում մրցել է Գլազգոյի «Սելթիկի» դեմ։

«Ազնվականները» ձախողել են հանդիպումն ու շոտլանդական ակումբին պարտվել 1:4 հաշվով։

«Կելտերից» գոլերը խփել են Մեթ Օռայլին, Կյոգո Ֆուրուհաշին, Լուիս Պալման ու Միկի Ջոնսթոնը։

Լոնդոնյան ակումբից հաշիվը «թրջել» է Քրիստոֆեր Նկունկուն։

Հիշեցնենք, որ «Սելթիկն» օրեր առաջ 4:3 հաշվով հաղթել էր նաև Անգլիայի չեմպիոն «Մանչեսթեր Սիթիին»։

Էնցո Մարեսկայի գլխավորած «Չելսին» հաջորդ ընկերական հանդիպումը կանցկացնի օգոստոսի 1-ին և Ատլանտայում կհանդիպի մեքսիկական «Ամերիկային»։

«Սելթիկն» ավարտեց միջմրցաշրջանային հատվածը և օգոստոսի 4-ից պայքարը սկսկի Շոտլանդիայի Պրեմիերշիփում և առաջին տուրում տանը կընդունի «Կիլմարնոքին»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am