ՈՒԵՖԱ-ն հրապարակել է «Տարվա լավագույն ֆուտբոլիստ» մրցանակի քվեարկության արդյունքները

Օգոստոսի 25-ին Ստամբուլում կայացան Չեմպիոնների լիգայի 2022/23 խաղարկության խմբային փուլի վիճակահանությունը և ՈՒԵՖԱ-ի ամենամյա մրցանակաբաշխությունը։

Մրցանակաշխության շրջանակում «Ռեալ Մադրիդի» հարձակվող Կարիմ Բենզեման ՈՒԵՖԱ-ի նախագահ Ալեքսանդր Չեֆերինի կողմից ստացավ «Տարվա լավագույն ֆուտբոլիստ» մրցանակը։

Մրցանակաբաշխության ավարտից հետո ՈՒԵՖԱ-ն հրապարակել է այդ անվանակարգի քվեարկության արդյունքները։

Պարզվում է` Բենզեման հսկայական առավելություն է ունեցել քվերակության արդյունքում երկրորդ հորիզոնականը զբաղեցրած «Մանչեսթեր Սիթիի» կիսապաշտպան Կևին դե Բրույնեի նկատմամբ. ֆրանսիացի գոլահարն ստացել է 523, իսկ բելգիացի ֆուտբոլիստը` 122 ձայն։

Լավագույն եռյակը, 118 ձայնով, եզրափակել է «Ռեալի» դարպասապահ Տիբո Կուրտուան։

Քվեարկության ամբողջական արդյունքներին կարող եք ծանոթանալ այստեղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am