ՈՒԵՖԱ-ն հետաձգել է Ինտեր – Խետաֆե և Սևիլիա – Ռոմա հանդիպումները

Ինչպես տեղեկացնում է ՈՒԵՖԱ-ի պաշտոնական կայքը, հետաձգվել է Եվրոպա լիգայի երկու հանդիպում։

Եվրոպա լիգայի 1/8 եզրափակչի «Ինտեր» – «Խետաֆե» և «Սևիլիա» – «Ռոմա» հանդիպումներն անորոշ ժամանակով հետաձգվել են։ ԴԵռևս տեղեկատվություն չկա, թե երբ կանցկացվեն այդ հանդիպումները։

Նման որոշումը պայմանավորված է երկու երկրներում կորոնավիրուսի կտրուկ տարածմամբ։ Այս հանդիպումները պետք է անցկացվեին մարտի 12-ին։

Հաղորդվում է նաև, որ քննարկվում է Չեմպիոնների լիգայի 1/8 եզրափակչի «Բարսելոնա» – «Նապոլի» խաղը ևս հետաձգել, որը, ըստ նախնական տեղեկատվության, պետք է անցկացվի առանց հանդիսականների։

Վերջին ժամերին կորոնավիրուսով վարակվածները Իտալիայում սկսել են կտրուկ աճել։ Գրանցվել է մոտ 10 հազար դեպքում, իսկ Իսպանիայում՝ 2 հազարից ավելի։