«Ոչինչ չգիտեմ այդ մասին». Ականջիի պատասխանը Ռոմանոյին 📸

Աշխարհահռչակ ինսայդեր Ֆաբրիցիո Ռոմանոն անախորժ իրավիճակում է հայտնվել։

Ռոմանոն սոցցանցերում տեղեկություն է հայտնել, թե «Գալաթասարայը» մոտ է «Մանչեսթեր Սիթիի» պաշտպան Մանուել Ականջիին ձեռք բերելուն։

Ինսայդերը գրել է, որ մանկունիական գրանդն ընդունել է թուրքական ակումբի 15 միլիոն ֆունտ ստերլինգ առաջարկը։

Այդուհանդերձ, շվեյցարացի ֆուտբոլիստը, տեսնելով Ռոմանոյի հայտարարությունը, այդ գրառման մեկնաբանություններում գրել է.

«Ոչինչ չգիտեմ այդ մասին»։

30-ամյա ֆուտբոլիստի մեկնաբանությունից հետո Ռոմանոն հեռացրել է հրապարակումը։ Այն դեռ հասանելի է միայն 32-ամյա ինսայդերի Threads սոցցանցի էջում։

Ականջին «Մանչեսթեր Սիթիում» է 2022 թ. սեպտեմբերից, 136 խաղում 5 գոլ է խփել, կատարել 3 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am