Շևչենկոն, հնարավոր է, գլխավորի Թուրքիայի հավաքականը

Ինչպես տեղեկացնում է Kicker-ը, Ուկրաինայի հավաքականի նախկին գլխավոր Անդրեյ Շևչենիոն, հնարավոր է, նույն պաշտոնը ստանձնի Թուրքիայի ազգային թիմում։

Աղբյուրի փոխանցմամբ` Թուրքիայի հավաքականի գլխավոր մարզչի պաշտոնին հավակնում է նաև գերմանացի մասնագետ Շտեֆան Կունցը։

Ավելի վաղ իտալացի ինսայդեր Նիկոլո Սկիրան տեղեկացրել էր, որ ամերիկյան ՄԼՍ-ը ներկայացնող երեք ակումբներ հետաքրքրված են Շևչենկոյի ծառայություններով, որոնք բանակցություններ են վարում ուկրաինացի մասնագետի հետ։

Հիշեցնենք, որ աշխարհի 2022 թ. առաջնության որակավորման փուլի 6-րդ տուրի շրջանակում Հոլանդիայի հավաքականից կրած 1:6 հաշվով պարտությունից հետո Թուրքիայի ֆուտբոլի ֆեդերացիան պաշտոնանկ արեց գլխավոր մարզիչ Շյոնել Գյունեշին։

Ինչ վերաբերում է Անդրեյ Շևչենկոյին, ապա 44-ամյա մասնագետն Ուկրաինայի հավաքականի գլխավոր մարզչի պաշտոնից հեռացել է օգոստոսի 1-ին, որը մարզում էր 2016 թվականից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am