Նորվիչի ֆուտբոլիստներից մեկը վարակված է Covid-19-ով․ նա վերջերս մասնակցել է Տոտենհեմի դեմ ընկերական հանդիպմանը
Անգլիական Պրեմիեր լիգան ներկայցնող «Նորվիչը» պաշտոնական կայքում հայտնել է, որ ակումբի ֆուտբոլիստներից մեկը վարակվել է կորոնավիրուսով։ Ավելի վաղ հայտնի է դարձել, որ ըստ հերթական թեստավորման պատասխանների՝ Պրեմիեր լիգայի ֆուտբոլիստների շրջանակում երկու նոր վարակակիր կա։
Ինչպես տեղեկացնում է BBC-ն, «Նորվիչի» կազմից վարակված ֆուտբոլիստը, ում անունը չի հրապարակվում, նախորդ շաբաթ մասնակցել է «Տոտենհեմի» դեմ ընկերական հանդիպմանը։ Ըստ Պրեմիեր լիգայի կանոնակարգի՝ ֆուտբոլիստը պետք է ուղարկվի յոթօրյա ինքնամեկուսացման, ինչից հետո պետք է կրկնակի թեստավորում անցնի, եթե պատասխանը բացասական լինի, խաղացողին հնարավորություն կտրվի միանալ ակումբին։
Հիշեցնենք, որ ԱՊԼ-ն վերսկսվելու է հունիսի 17-ին։ Այդ օրը կկայանան 28-րդ տուրից հետաձգված երկու հանդիպում։ «Աստոն Վիլլան» կմրցի «Շեֆիլդ Յունայթեդի» դեմ, իսկ «Մանչեսթեր Սիթին»՝ «Արսենալի»։
# ԱՊԼ, Նորվիչ, Տոտենհեմ