Նորվեգիայի առաջնությունը սենսացիոն չեմպիոն ունեցավ 🎥
Նորվեգիայի առաջնությունը սենսացիոն չեմպիոն ունեցավ 🎥
30/11/2025 - 23:32

Նորվեգիայի Էլիտսերիայի վերջին` 30-րդ տուրում «Վիկինգը» սեփական դաշտում 5:1 հաշվով ջախջախեց «Վոլերենգային»։

Բյարտե Լունդե Արսհայմի գլխավորած թիմից մեկական գոլ խփեցին Էդվին Էուստբյոն, Մարտին Ռոսետը, Զլատկո Տրապիչը, Քրիստոֆեր Հաուգենն ու Քրիստոֆեր Ասկիլդսենը։ Հյուրերից աչքի ընկավ Էլիասը Հագենը։

Ստավանգերը ներկայացնող ակումբը միավորների քանակը հասցրեց 71-ի, գրավեց առաջին տեղը` 9-րդ անգամ դառնալով Նորվեգիայի չեմպիոն։ «Վիկինգը» նախորդ անգամ չեմպիոնի տիտղոսը նվաճել էր 34 տարի առաջ` 1991 թվականին։

«Վիկինգը» նաև պատմության մեջ երկրորդ անգամ նվաճեց Չեմպիոնների լիգայի ուղեգիր ու 2026թ. ամռանը մրցաշարում պայքարը կսկսի միանգամից որակավորման փլեյ-օֆֆ-ից։ Ակումբը նվազագույնն ապահովեց տեղը Եվրոպա լիգայի Լիգայի փուլում։

Նախորդ երկու տարիների չեմպիոն «Բուդյո Գլիմտը» 71 միավորով զբաղեցրեց երկրորդ տեղն ու կխաղա Չեմպիոնների լիգայի որակավորման երկրորդ փուլում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2025