Նոթինգհեմ Ֆորեսթը շարունակում է իր հեքիաթը` հաղթելով նաև Տոտենհեմին 🎥

Անգլիական Պրեմիեր լիգայի 18-րդ տուրում «Նոթինգհեմ Ֆորեսթը» «Սիթի Գրաունդ» մարզադաշտում մրցեց «Տոտենհեմի» դեմ։

Հանդիպման ընթացքում գրանցվեց դարպասի մեկ գրավում. «անտառապահները» հաղթեցին 1:0 հաշվով։

Նունու Էսպիրիտու Սանտուի գլխավորած թիմին 28-րդ րոպեին հաղթանակ պարգևեց Էնթոնի Էլանգան։

«Նոթինգհեմ Ֆորեսթն» Անգլիայի ընթացիկ առաջնությունում տարավ 4-րդ անընդմեջ հաղթանակը։ Նախորդ տուրերում Ուեսթ Բրիջֆորդ քաղաքը ներկայացնող ակումբը պարտության է մատնել նաև «Մանչեսթեր Յունայթեդին», «Ասթոն Վիլային» ու «Բրենֆորդին»։

«Ֆորեսթը» «Տոտենհեմին» հաղթելու շնորհիվ 34 միավորով բարձրացավ երրորդ տեղ։ «Խթանները» 23 միավորով 11-րդն են։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից