«Նոա-աղջիկները» 36 գոլ է խփել` տանելով անհավանական հաղթանակ 📸
Ֆուտբոլի կանանց Հայաստանի Առաջին խմբի 14-րդ տուրում «Նոա-աղջիկները» հյուրընկալվելիս 36:0 հաշվով անհավանական հաղթանակ է տարել «Արարատ-աղջիկների» նկատմամբ։
Սերինե Բադալյանի գլխավորած թիմից 16 գոլ է խփել Նարե Հովհաննիսյանը, Անեթ Մեհրաբյանն աչքի է ընկել 9 անգամ։
Հովհաննիսյանը 46 գոլով գլխավորում է Առաջին խմբի լավագույն ռմբարկուների ցուցակը։ Մեհրաբյանը 42 գոլով երկրորդն է։
Հյուրերից Աննա Փառեյանը գրանցել է հեթ-տրիկ, Աննա Սաղաթելյանը, Արմինե Վարդանյանն ու Մաֆերին Կամարան` դուբլ, Անժելիկա Ղահրամանյանը խփել է մեկ գոլ, իսկ մրցակցի ֆուտբոլիստ Սաթենիկ Մարտիրոսյանը գրավել է սեփական դարպասը։
«Նոա-աղջիկները» անցկացրած բոլոր 12 խաղերում հաղթել է, խփել 166 գոլ, դարպասը պահել անառիկ` 36 միավորով գլխավորելով մրցաշարային աղյուսակը։
«Արարատ-աղջիկները» 11 խաղում միայն 1 հաղթանակ է տարել, կրել 10 պարտություն, խփել 3 գոլ, բաց թողել 192 գոլ, 3 միավորով զբաղեցնում է վերջին` 10-րդ տեղը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Անեթ Մեհրաբյան, Արարատ, Արարատ-աղջիկներ, կանանց ֆուտբոլ, Կանանց ֆուտբոլի Առաջին խումբ, Նարե Հովհաննիսյան, Նոա, Նոա-աղջիկներ, Սերինե Բադալյան