«Նա ինձ մի փոքր ավելի շատ է դուր գալիս»․ Կլոպը համեմատել է Ռոնալդուին և Մեսսիին
«Լիվերպուլի» գլխավոր մարզիչ Յուրգեն Կլոպը համեմատել է «Յուվենտուսի» հարձակվող Կրիշտիանու Ռոնալդուին և «Բարսելոնայի» ավագ Լեո Մեսսին․
– Ո՞վ է ավելի լավը Ռոնալդուն, թե՞ Մեսսին
– Մեսսին, սակայն ես Ռոնալդուին անսահման հարգում եմ։ Կբացատրեմ այսպես․ իմ թիմերը հանդես են եկել երկուսի դեմ էլ և երկուսի դեմ էլ գրեթե անհնար է պաշտպանվել։
Եթե հնարավոր լիներ նկարագրել իդեալական խաղացողի, ապա նա կլիներ Ռոնալդուի հասակի, նա կցատկեր և կվազեր ինչպես Ռոնալդուն։ Ռոնալդուն միանշանակ պրոֆեսիոնալ է, դրանից լավ անհնար է պատկերացնել։
Մյուս կողմից, կա «փոքրիկ» Մեսսին, ով ամեն ինչ անում է այնպես, կարծես ամեն ինչ շատ պարզ է, այդ պատճառով էլ որպես ֆուտբոլիստ նա ինձ ավելի է դուր գալիս, սակայն Կրիշտիանուն նույնպես անհավանական ֆուտբոլիստ է»,- նշել է Կլոպը Freekickerz յութուբյան ալիքի պատրաստած տեսանյութում։