Նանտի հրաշքը. «դեղձանիկները» երկրորդ տարին անընդմեջ կխաղան Ֆրանսիայի գավաթի եզրափակիչում🎥

Ֆրանսիայի գավաթի կիսաեզրափակիչում «Նանտը» «Բոժուար» մարզադաշտում մրցեց «Լիոնի» դեմ։

Կարելի է ասել` անակնկալ արդյունք գրանցվեց այս խաղում, քանի որ տանտերերը հաղթեցին 1:0 հաշվով։

Անտուան Կոմբուարեի թիմին հաղթանակ պարգևեց 57-րդ րոպեին խփած Լյուդովիկ Բլայի խփած միակ գոլը։

Այսպիսով, «դեղձանիկները» դուրս եկան Ֆրանսիայի գավաթի եզրափակիչ և ապրիլի 29-ին կմրցեն «Անսի» – «Թուլուզ» դիմակայության հաղթողի դեմ։

Հատկանշական է, որ «Նանտը» Ֆրանսիայի գործող գավաթակիրն է և պատմության ընթացքում երկրորդ անգամ է երկու տարի անընդմեջ խաղալու մրցաշարի եզրափակիչում։

Ակումբը նման հաջողության հասել էր նաև 1998/99 և 1999/00 մրցաշրջաններում, երբ երկու անգամն էլ տիրացավ բաղձալի գավաթին։

Հավելենք, որ հանդիպումից հետո «Նանտի» հազարավոր երկրպագուներ ներխուժեցին խաղադաշտ` տոնելու սիրելի թիմի հաջողությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am