Նադալն անհավանական խաղում հաղթեց Մեդվեդևին` դառնալով Ավստրալիայի բաց առաջնության հաղթող

Ավարտվեց թենիսի Մեծ սաղավարտի Ավստրալիայի բաց առաջնության տղամարդկանց մրցաշարը, որի եզրափակիչում միմյանց դեմ մրցեցին Դանիլ Մեդվեդևն ու Ռաֆայել Նադալը։

Առաջ ընկնելով` նշենք, որ անհավանական հանդիպում ստացվեց։

Առաջին երկու սեթերը` համապատասխանաբար 6:2, 7:6 (5) հաշվով հաղթեց ռուս թենիսիստը, սակայն Ռաֆայել Նադալն իր մեջ ուժ գտավ, բեկեց հանդիպման ընթացքն ու հաղթեց հաջորդ 3 սեթերը. գրանցվեց 6:4, 6:4, 7:5 հաշիվները։

Հանդիպումը տևեց 5 ժամ 28 րոպե։

Այսպիսով, Ռաֆայել Նադալը ծանրագույն պայքարում 3:2 հաշվով հաղթեց Դանիլ Մեդվեդևին և իր կարիերայի ընթացքում երկրորդ անգամ դարձավ Ավստրալիայի բաց առաջնության հաղթող, իսկ ընդհանրապես նվաճեց 21-րդ Մեծ սաղավարտի տիտղոսը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am