«Յուվենտուսում» մարզչական փոփոխություն տեղի կունենա

«Յուվենտուսում» մարզչական փոփոխություն տեղի կունենա, հայտնում է ինսայդեր Ֆաբրիցիո Ռոմանոն։

Աղբյուրի համաձայն` թուրինյան գրանդը գլխավոր մարզչի պաշտոնից որոշել է հեռացնել Տիագո Մոտային։

«Բիանկոներիի» նոր գլխավոր մարզիչ կնշանակվի Իգոր Տուդորը։ Նա արդեն համաձայնվել է գլխավորել «Յուվենտուսը» և ակումբի հետ պայմանագիր կկնքի մինչև 2025 թ. հունիսի 30-ը, իսկ Չեմպիոնների լիգայի հաջորդ խաղարկության ուղեգիր նվաճելու դեպքում այն կերկարաձգվի ևս մեկ տարով։

Խորվաթ մասնագետն առաջիկա ժամերին կմեկնի Թուրին և Մոտայի պաշտոնանկությունից հետո կստորագրի համաձայնագիրը։

Հիշեցնենք, որ 42-ամյա Մոտան «Յուվենտուսը» գլխավորել է 2024 թ. ամռանը։ Ակումբը նրա գլխավորությամբ 42 խաղում տարել է 18 հաղթանակ, գրանցել 16 ոչ-ոքի, կրել 8 պարտություն։ «Բիանոկներին» Ա սերիայի ընթացիկ մրցաշրջանում 29 խաղում 52 միավոր է վաստակել և 5-րդ տեղում է։ Թուրինյան գրանդն արդեն դուրս է մնացել Իտալիայի գավաթի խաղարկությունից և Չեմպիոնների լիգայից։

46-ամյա Իգոր Տուդորը ֆոտբոլային կարիերայի ընթացքում 1998-2007 թթ. հանդես է եկել «Յուվենտուսում», 174 խաղում խփել 21 գոլ, կատարել 6 ասիստ։ Նա մարզել է խորվաթական «Հայդուկը», հունական ՊԱՕկ-ը, թուրքական «Կարաբյուկսպորը», «Գալաթասարայը», իտալական «Ուդինեզեն», «Վերոնան», «Լացիոն» և ֆրանսիական «Մարսելը»։ Տուդորը «Յուվենտուսում» նույնպես աշխատել է և 2020/21 մրցաշրջանում եղել է գլխավոր մրցավար Անդրեա Պիռլոյի օգնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից