Աղբյուր․ «Յուվենտուսը կարող է երկարաձգել պայմանագիրը Ռոնալդուի հետ»

Ինչպես հաղորդում է Tuttosport-ը, «Յուվենտուսի» հարձակվող Կրիշտիանու Ռոնալդուն, ում գործող պայմանագիրը ակումբի հետ ավարտվում է 2022 թվականի հունիսի 30-ին, կարող է շարունակել իր ելույթները թուրինցիների կազմում։

Պորտուգալացի ֆուտբոլիստը, ով վաղը՝ փետրվարի 5-ին, կդառնա 36 տարեկան, այս պահին գտնվում է լավ մարզավիճակում համարվում է Անդրեա Պիռլոյի թիմի առանցքային դեմքերից մեկը։

Աղբյուրը չի բացառում, որ կողմերը կարող են երկարաձգել պայմանագիրը ևս մեկ տարով։

«Յուվենտուսի» կազմում ընթացիկ մրցաշրջանում Ռոնալդուն բոլոր խաղերի շրջանակում մասնակցել է 23 հանդիպման՝ դառնալով 22 գոլի և 3 գոլային փոխանցման հեղինակ։

Հիշեցնենք, որ պորտուգալացին «Յուվենտուս» է տեղափոխվել «Ռեալից» 2018 թվականի հուլիսի 10-ին 100 մլն եվրոյի դիմաց։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am