Յուվենտուսը ձախողվեց` պարտվելով Ուդինեզեին 🎥

Իտալական Ա սերիայի 24-րդ տուրի վերջին խաղում «Յուվենտուսը» Թուրինի «Ալիանց» մարզադաշտում մրցեց հետնապահների թվում ընթացող «Ուդինեզեի» դեմ։

Առաջ ընկնելով` նշենք, որ բավական խոշոր անակնկալ գրանցվեց, քանի որ Ուդինեից ժամանած հյուրերը հաղթեցին 1:0 հաշվով։

Գաբրիելե Չոֆիի թիմին հաղթանակ պարգևեց 25-րդ րոպեին Լաուտարո Ջիանետիի խփած գոլը։

Հանդիպման հերոս դարձավ հյուրերի դարպասապահ Մադուկա Օկոյեն, ով կատարեց 6 սեյվ։

Այս հաղթանակից հետո «Ուդինեզեն» վաստակեց 22 միավոր` բարձրանալով 15-րդ տեղ։

«Յուվենտուսը», 53 միավորով, 2-րդն է։

Թուրինյան ակումբն Ա սերիայի առաջատար «Ինտերին» զիջում է արդեն 7 միավորով, մրցակցի համեմատ էլ, մեկ հանդիպում շատ է անցկացրել։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am