Յուվենտուսը հնարավոր է պատմական ցուցանիշ գրանցի

Իտալական Ա սերիայի 30 տուրերից հետո «Յուվենտուսը» 81 միավորով գլխավորում է մրցաշարային աղյուսակը: Այս տուրում «Նապոլիի» պարտությունը թուրինյան թիմին թույլ տվեց ստանալ 18 միավորի առավելություն: Ա սերիայի պատմության մեջ առաջին անգամ է 30-րդ տուրում մի թիմը մյուսի հանդեպ այսքան միավորի առավելություն ունենում:

«Նապոլիի» հաջորդ իսկ պարտության և «Յուվենտուսի» հաղթանակի դեպքում չեմպիոնության հարցը կվճռվի:

Հատկանշական է այն հանգամանքը, որ Իտալիայի առաջնության պատմության մեջ չեմպիոնության ամենավաղ արձանագրումը եղել է 5 տուր առաջ:

Հաջորդ տուրում «Յուվենտուսը» մրցելու է «Միլանի» հետ, իսկ «Նապոլին»՝ «Ջենոայի»:

Opta