Յուվենտուսը հաղթեց Վերոնային` ներխուժելով լավագույն եռյակ 🎥

Իտալական Ա սերիայի 14-րդ տուրում «Յուվենտուսը» հյուրընկալվելիս մրցեց «Վերոնայի» դեմ։

Հիմնականում հավասար պայքարում ընթացած խաղում գրանցվեց դարպասի մեկ գրավում. թուրինյան ակումբին հաղթանակ պարգևեց 60-րդ րոպեին Մոյզե Քինի խփած միակ գոլը։

Այսպիսով, «բյանկոներիները» հաղթեցին 1:0 հաշվով, ինչից հետո Մասիմիլիանո Ալեգրիի թիմը վաստակեց 28 միավոր` բարձրանալով 3-րդ հորիզոնական։

Նշենք, «Յուվենտուսն» Ա սերիայի շրջանակում 5-րդ հանդիպումն անընդմեջ մրցակիցներին հաղթում է «չոր» հաշիվներով։

«Վերոնան», 5 միավորով, վերջինն է` 20-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am