Յունայթեդը վերադառնում է. «կարմիր սատանաները» ջախջախեցին Տոտենհեմին🎥

Անգլիական Պերմիեր լիգայի 10-րդ տուրի կենտրոնական հանդիպման շրջանակում «Մանչեսթեր Յունայթեդը» հյուրընկալվելիս մրցեց «Տոտենհեմի» դեմ։

«Կարմիր սատանաները» որևէ շանս չտվեցին լոնդոնյան ակումբին և ջախջախեցին 3:0 հաշվով։

«Յունայթեդի» հաղթանակը կերտեցին Կրիշտիանու Ռոնալդուի, Էդինսոն Կավանիի և Մարկուս Ռեշֆորդի գոլերը։

Այսպիսով, մանկունյական ակումբը Պրեմիեր լիգայի շրջանակում վերջապես ընդհատեց անհաջող հանդիպումների շարքը։ Օլե-Գունար Սուլշերի թիմը ներքին առաջնությունում չէր հաղթել վերջին 4 խաղերում` այդ ընթացքում կրելով 3 պարտություն։

«Մանչեսթեր Յունայթեդը» այս հաղթանակից հետո վաստակեց 17 միավոր և բարձրացավ 5-րդ հորիզոնական։

«Տոտենհեմը», 15 միավորով, 8-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am