Յունայթեդն ու Վուլվզը չեն օգտվում ընձեռնված հնարավորությունից?

Անգլիական Պրեմիեր լիգայի 25-րդ տուրի կենտրոնական հանդիպումներից մեկը կայացավ «Մանչեսթեր Յունայթեդի» սեփական հարկի տակ, որտեղ «կարմիր սատանաներն» ընդունել էին «Վուլվերհեմպտոնին»։

Հավասար ընթացած խաղում կողմերն այդպես էլ չկարողացան օգտվել այն հնարավորությունից, որն ընձեռել էր «Չելսին» և ավելի մոտենալ 4-րդ հորիզոնականին։ Խաղն ավարտվեց գոլազուրկ ոչ-ոքի արդյունքով, իսկ երկու կողմերն էլ իրենց խաղով չտպավորեցին։

Օլե-Գունար Սուլշերի սաները ոչ միայն երեք հանդիպում չեն կարողանում հաղթանակ տոնել, այլև այդ խաղերում չեն խփել ոչ մի գնդակ և 35 միավորով նահանջեցին 6-րդ հորիզոնական։ Նույնքան միավոր ունի նաև «Վուվլերհեմտպոնը» և զբաղեցնում է 7-րդ հորիզոնականը։