Մարկոս Ռոխոն շուտով կարիերան կշարունակի արգենտինական ակումբում

Ինչպես տեղեկացնում է TyC Sports-ը, «Մանչեսթեր Յունայթեդի» պաշտպան Մարկոս Ռոխոն շուտով կդառնա «Բոկա Խունիորսի» ֆուտբոլիստ։

30-ամյա ֆուտբոլիստն արգենտինական ակումբի հետ կնքել է երկու տարվա պայմանագիր, որից հետո այն կարող է երկարաձգվել ևս մեկ տարով։

Ակնկալվում է, որ արգենտինացի ֆուտբոլիստը հայրենիք կվերադառնա արդեն հաջորդ շաբաթ՝ մինչ այդ մանկունյական ակումբի հետ լուծելով որոշ հարցեր։

Ռոխոյի գործող պայմանագիրը «Մանչեսթեր Յունայթեդի» հետ նախատեսված է մինչև սույն թվականի ամառ։

Պաշտպանը «ՄՅՈւ»-ի կազմում Պրեմիեր լիգայի ընթացիկ մրցաշրջանում մասնակցել է ընդամենը մեկ հանդիպման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am