Մորատան վերադառնում է Յուվենտուս․ նա արդեն Թուրինում է🎥
«Ատլետիկո Մադրիդի» հարձակվող Ալվարո Մորատան տեղափոխվում է «Յուվենտուս»։
Ինչպես տեղեկացնում է The Guardian-ի լրագրող Ֆաբրիցիո Ռոմանոն, «բյանկոներիները» 9 մլն եվրոյի դիմաց մինչև 2020/21 մրցաշրջանի ավարտը կվարձակալեն իսպանացի հարձակվողին, ինչից հետո 45 մլն եվրոյով կգնեն նրա տրանսֆերային իրավունքները։ Անձնական պայմանագրի հետ կապված էլ որևէ խնդիր չկա․ կողմերի միջև մինչև 2025 թվականը պայմանագիր է կնքվելու վարձակալության ավարտից հետո։
Մադրիդյան ակումբը Մորատայի հեռանալուց հետո, ամենայն հավանականությամբ, կհայտարարի «Բարսելոնայի» հարձակվող Լուիս Սուարեսին ձեռք բերելու մասին։
Սեպտեմբերի 21-ին՝ ուշ երեկոյան, «բյանկոներիները» տեսանյութ հրապարակեցին, որտեղ երևում էր, թե ինչպես է 27-ամյա հարձակվողը ժամանում Թուրին։ Սպասվում է, որ իսպանացի հարձակվողը բուժզննում կանցնի թուրինյան ակումբի համար, իսկ կողմերը պաշտոնապես կհայտարարեն տեղափոխության մասին։
Հիշեցնենք, որ Ալվարո Մորատան 2014-16 թվականներին «Յուվեում» արդեն հանդես եկել է, որի կազմում մասնակցել է 93 հանդիպման՝ դառնալով 27 գոլի և 18 գոլային փոխանցհամ հեղինակ։