Մոնակոյի ֆուտբոլիստը որակազրկվել 4 խաղով` հոմոֆոբիային աջակցելու պատճառով📸
Ֆրանսիական Լիգա 1-ը «Մոնակոյի» կիսապաշտպան Մոհամեդ Կամարային որակազրկել է չորս խաղով։
Բանն այն է` ինչպես գրում է Le Parisien-ը, Ֆրանսիայի առաջնության վերջին` 34-րդ տուրում, մալիացի ֆուտբոլիստը «Նանտի» դեմ խաղում (4:0) չի մասնակցել հոմոֆոբիայի դեմ ակցիային։ Ֆուտբոլիստը մարզաշապիկի վրա թաքցրել է շարժման համար նախատեսված հատուկ տարբերանշանը։
Առաջնության վերջին խաղում բոլոր թիմերը և հանդիպումները սպասարկող մրցավարները կրել են «Ոչ հոմոֆոբիային» գրությամբ հատուկ տարբերանշանով մարզաշապիկներ։
Ավելի վաղ հաղորդվում էր, որ 24-ամյա ֆուտբոլիստին սպառնում է 10-խաղյա որակազրկում։
Կամարան ավարտված 2023/24 մրցաշրջանում 20 խաղում խփել է 1 գոլ, կատարել 2 գոլային փոխանցում։
Ավելացնենք, որ հոմոֆոբիան նույնասեռական մարդկանց հանդեպ ատելության և անվստահության զգացումն է։ Որոշ երկրներում հոմոֆոբիան մեկնաբանվում է որպես ռասիզմի դրսևորում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
![](https://interfootball.am/wp-content/uploads/2024/06/20240531_141824-819x1024.jpg)
![](https://interfootball.am/wp-content/uploads/2024/06/20240531_141834-1024x683.jpg)