ՄՅՈՒ-ն կվաճառի մի շարք ֆուտբոլիստների

ՄՅՈՒ-ն կվաճառի մի շարք ֆուտբոլիստների

15/07/2020 - 11:34

Առաջիկա տրանսֆերային պատուհանին «Մանչեսթեր Յունայթեդը» պատրաստ է վաճառել մի շարք ֆուտբոլիստների։

Ինչպես տեղեկացնում է The Telegraph-ը, ակումբը պատրաստ է բաժանվել Ալեքսիս Սանչեսից, Ջեյսի Լինգարդից, Քրիս Սմոլինգից, Դիոգու Դալոտից, ինչպես նաև Մարկոս Ռոխոյից։ Նշենք, որ Սանչեսը, Սմոլինգը և Ռոխոն վարձավճարով հանդես են գալիս համապատասխանաբար «Ինտերում», «Ռոմայում» և «Էստուդիանտեսում»:

Այս խաղացողների վաճառքից «կարմիր սատանաների» ղեկավարություւնը մտադիր է լրացուցիչ միջոցներ ձեռք բերել՝ ակումբի տրանսֆերային նպատակներն իրագործելու համար։ Ակումբի գլխավոր մարզիչ Օլե-Գունար Սուլշերը մտադիր է թարմացնել կազմը։

Աղբյուրի փոխանցմամբ՝ «ՄՅՈՒ»-ի տրանսֆերային գլխավոր նպատակը մնում է «Բորուսիա Դորտմունդի» վինգեր Ջեյդոն Սանչոն, սակայն նորվեգացի մասնագետը կցանկանար ձեռք բերել նաև կենտրոնական հարձակվողի և կենտրոնական կիսապաշտպանի, եթե ակումբի ֆինանսական հնարավորությունները թույլ տան։

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023