ՄՅՈՒ-ն դիտարկում է Բարսելոնայի ֆուտբոլիստին վարձակալելու տարբերակը
«Մանչեսթեր Յունայթեդը» Ջեյդոն Սանչոյի չկայացած տրանսֆերից հետո սկսել է դիտարկել «Բարսելոնայի» վինգեր Ուսման Դեմբելեին ձեռք բերելու տարբերակը։ Այդ մասին տեղեկացնում է ESPN-ը։
Ջեյդոն Սանչոն մնում է մանկունյական ակումբի տրանսֆերային հիմնական նպատակը, սակայն նրա բարձր տրանսֆերային արժեքն ակումբի ղեկավարությանը ստիպում է, որպեսզի նայեն նաև այլ խաղացողների։
Աղբյուրի փոխանցմամբ՝ «Յունայթեդն» արդեն բանակցություններ է վարել խաղացողի ներկայացուցիչների հետ։ Հաղորդվում է, որ «կարմիր սատանաները» դիտարկում են ֆրանսիացի 23-ամյա վինգերին մեկ տարով վարձակալելու տարբերակը։ Վարձակալության պայմանագրում մանկունյական ակումբը մտադիր է ներառել նաև խաղացողի տրանսֆերը գնելու անմիջական իրավունք։
Ուսման Դեմբելեն ընթացիկ մրցաշրջանի մեծ մասը բաց է թողել վնասվածքի պատճառով։ Վինգերը վերջին անգամ խաղադաշտ է դուրս եկել 2019 թվակնաի նոյմեբրեի 27-ին՝ ՉԼ խմբային փուլի «Բորուսիա Դորտմունդի» դեմ խաղից հետո։
Ընթացիկ մրցաշրջանում Դեմբելեն մասնակցել է 9 հանդիպման՝ դառնալով 1 գոլի հեղինակ։
# Բարսելոնա, Մանչեսթեր-Յունայթեդ, Ուսման-Դեմբելե, Ջեյդոն-Սանչո, տրանսֆերներ