Մյուլլեր. «Մանեն կատակում է` ասելով, որ պատահմամբ գնդակը չփոխանցեմ Լևանդովսկիին»

Չեմպիոնների լիգայի խմբային փուլի 2-րդ տուրում «Բավարիան»` սեփական հարկի տակ, կմրցի «Բարսելոնայի» դեմ։

Հանդիպումից առաջ տեղի ունեցած մամուլի ասուլիսի ժամանակ իր տպավորություններով է կիսվել մյունխենյան ակումբի կիսապաշտպան Թոմաս Մյուլլերը.

«Անցնող 10 օրերին Սադիո Մանեն կատակում էր` ասելով, որ ես զգույշ լինեմ և գնդակը պատահմամբ չփոխանցեմ Լևանդովսկիին։

Ամեն դեպքում, մենք պետք է խաղանք մեր խաղը և չկենտրոնանանք Լևայի վրա։ Ցանկանում ենք հաղթել բոլոր մենապայքարներում և ակտիվ պրեսինգի դիմել գնդակը կորցնելուց անմիջապես հետո։

Ակնկալում եմ տեսնել «բաց» ֆուտբոլ և կարծում եմ` չեզոք երկրպագուներին դուր կգա այս հանդիպումը։

Լևանդովսկիի և իմ կապը զարգացել է տարիների ընթացքում։ Այժմ մենք առջևի գծում ունենք բազմաթիվ ճկուն ֆուտբոլիստներ և չկա ընդգծված հարձակվող։

Մրցակիցները չեն հասկանում, թե կոնկրոտ որ ֆուտբոլիստից գոլային սպառնալիք սպասել, սակայն այդ հաղթաթութը մենք պետք է ճիշտ օգտագործենք»,- 33-ամյա ֆուբոլիստի խոսքերը մեջբերում է Bayern & Germany-ն։

Հիշեցնենք, որ «Բավարիա» – «Բարսելոնա» հանդիպումը կայանալու է սեպտեմբերի 13-ին` Երևանի ժամանակով 23:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am