Մխիթարյան. «Չեմպիոնների լիգայի եզրափակիչ վերադառնալը երազանք է»

Իտալիայի չեմպիոն «Ինտերի» կիսապաշտպան Հենրիխ Մխիթարյանը խոսել է Չեմպիոնների լիգայի եզրափակիչի մասին.

«Բոլորը կարծում էին, թե «Մանչեսթեր Սիթին» մեզ չորս գոլ է խփելու, սակայն մենք լավ հանդիպում անցկացրինք և արժանի էինք ոչ-ոքիի, նույնիսկ` հաղթանակի։

Չեմպիոնների լիգայի եզրափակիչ վերադառնալը երազանք է` չնայած այժմ ճանապարհն ավելի երկար է, քան երկու տարի առաջ։ Մենք հավատում ենք և վստահ ենք, որ ի զորու ենք կրկնել դա»,- հայ ֆուտբոլիստի խոսքը մեջբերում է Football Italia-ն։

Հիշեցնենք, որ 2022/23 մրցաշրջանում «Ինտերը» հասել էր Չեմպիոնների լիգայի եզրափակիչ, սակայն 0:1 հաշվով պարտվեց «Մանչեսթեր Սիթիին»։ Միլանյան գրանդից այդ հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 84-րդ րոպեին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից