Մխիթարյանը` ասիստի հեղինակ. Ինտերը հաղթել է խոշոր հաշվով 🎥

Իտալական Ա սերիանի չեմպիոն «Ինտերը» շարունակում է պատրաստվել 2024/25 մրցաշրջանին և Չեզենայում ընկերական խաղում 3:0 հաշվով հաղթել է իսպանական Լա լիգայում հանդես եկող «Լաս Պալմասին»։

Միլանյան ակումբի մեկնարկային կազմում է եղել նաև Հայաստանի հավաքականի նախկին կիսապաշտպան Հենրիխ Մխիթարյանը, որը 37-րդ րոպեին գոլային փոխանցում կատարեց թիմի նորեկ Մեհդի Թարեմիին։

Նշենք, որ Մխիթարյանն այդ խաղում եղել է «Ինտերի» ավագը։

Սիմոնե Ինձզագիի գլխավորած թիմից Թարեմին դարձել է դուբլի հեղինակ, մեկ գոլ էլ խփել է Ֆեդերիկո Դիմարկոն։

«Ինտերը» հաջորդ ընկերական հանդիպումը կանցկացնի օգոստոսի 2-ին և կմրցի Իտալիայի Բ սերիան ներկայացնող «Պիզայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am